Gafa nga Berlusconi

[{Albanian}]

Dhjetë gafat e Berluskonit

1. Për Musolinin:

"Musolini s‘ka
vrarë kurrë njeri. Musolini i dërgonte
njerëzit me pushime në azil
të brendshëm. Kampet e internimit
të regjimit fashist ishin ‘si kampe
pushimi‘".



2. Për sekretaret italiane, në një

takim në bursën e Nju Jorkut:
"Italia është tani një vend fantastik
për të investuar... Sot ne kemi më
pak komunistë dhe ata që janë,
ende mohojnë të kenë qenë të
tillë. Një tjetër arsye për të investuar
në Itali është se kemi sekretare
shumë të bukura".



3. Një deputeti gjerman të Parlamentit

Evropian në vitin 2003: "E di
se në Itali po prodhohet një film
mbi kampet naziste të përqendrimit.
Do t‘i them një fjalë
regjisorit të të zgjedhë ty për rolin
e kapos, do të ishe perfekt". Më
vonë ai u shpreh se kishte bërë
shaka dhe se i referohej një karakteri
nga seritë televizive "Hogan‘s
Heroes".



4. Pas sulmeve të 11 shtatorit në

SHBA:

"Duhet të jemi të
ndërgjegjshëm për superioritetin e
qytetërimit tonë, një sistem që ka
garantuar mirëqenie, respekt për
të drejtat e njeriut dhe në kontrast
me vendet islamike, respekt për të
drejtat fetare dhe politike, një sistem
që ka vlerën e tij të të kuptuarit
të diversitetit dhe tolerancës..."



5. Mbi propozimin për themelimin
e agjencisë së standardeve të
ushqimit të BE-së në Finlandë e jo
në Parma: "Parma është sinonim i
kuzhinës së mirë. Finlandezët nuk
dinë as çfarë është proshuta. Unë
kam qenë në dietë finlandeze dhe
e di mirë se çfarë do të thotë".



6. Mbi karrierën e tij si politikan:
"Unë nuk kam nevojë për post për
të qenë i pushtetshëm. Unë kam
shtëpi në gjithë botën, jahte fantastike,
aeroplanë të bukur, një
grua të bukur, familje të bukur...
Unë po sakrifikoj duke qëndruar
në post"


7. Ministres së Mundësive të
Barabarta, Mara Carfagna: "Do të
shkoja kudo me ty, edhe në një
ishull të shkretë. Nëse s‘do isha i
martuar, do të martohesha me ty
menjëherë". Por, kjo s‘i pëlqeu aspak
bashkëshortes së tij, Veronika
Lario, e cila shkroi një letër në
faqet e "La Repubblica", ku
kërkonte falje prej tij.


8. Sipërmarrësve turq, të cilët e
vizituan atë për çështje pune:
"Keni plotësisht mbështetjen
time, kur kam qenë i ri kam pasur
një të dashur fantastike turke".


9. "Edhe unë kam qenë pak
‘shtëpiak‘, kur studioja dhe isha
djalë shtëpie, fshija
pluhurat dhe herë-herë bëja dhe
pazarin. E di sa e lodhshme është
për të bërë punët e shtëpisë dhe
për të krijuar një klimë qetësie
kur bashkëshorti kthehet në
shtëpi…".


10. Në Samitin e Brukselit, në
fund të Presidencës së Italisë në
BE: "Le të flasim për futboll dhe
femra. (Duke u kthyer nga kancelari
gjerman i martuar katër herë,
Gerhard Shrëder) Gerhard, pse
nuk fillon ti?".

" Marrë nga gazeta Telegraph"

[elvisi]

...

[I L M G A P]

Një gafë sado e vogël sjellë probleme të mëdha për një njëri me renome botërore, por si duket kjo nuk po ndodh me z. Berluskoni ai si duket me gafat e tij po fiton simpatinë e popullit, duket se populli është i kënaqur me gafat e tij, gafa të cilat janë në dëm të të gjithë vendit (Italisë). Të kesh në krye të shtetit një palaqo i cili punon për të zbavitur të tjerët është fatkeqësi, fatkeqësi me të cilën sot po krenohet Italia. E di Albanian, mësova se Shqipëria,Kosova dhe Italia kanë një gjë të përbashkët, e ajo është se të trija (3) këto shtete qeverisen nga njerëz të paditur, të degjeneruar, vetëshkatërrues të cilët punojnë mbi interesat vetjake (individuale) jo kolektive, poashtu kemi popullin e njejtë sepse të tre popujt janë të kënaqur me të paditurit që kanë në krye.

Me plotë gojë them se jemi afër asimilimit nëse jo asimilimit jemi afër të shohim konkurencë në mes Bill Gates dhe Sali Berishës, Hashim Taçit apo Berluskonit.