Vëllazëria në Islam - Alban Podrimja

[Alban Podrimja]

Vëllazëria në Islam

Ne jemi musliman dhe duhet domozdoshmërisht që të duhemi me vëllezërit e tjerë po musliman , nëse duam që të jemi prej atyre që ishin më herët dhe ishin nga ata të shpëtuarit , kujtojmë se Muhammedi S.A.V.S kishte dashur shumë vëllezërit (shokët etj.) e tij në Islam ku në shumë raste kishte vënë në pah moralet e tij të shumta siq janë : Durimi ,Vetëmohimi , Mirësia , Modestia etj. për hir të vëllezërve të tij Musliman. Me të vërtetë ne shembull e kemi Muhammedin S.A.V.S për dashurinë e tij ndaj vëllezërve të tij, kujtojmë një hadith të pejgamberit Muhammedit S.A.V.S. ku thotë :
Nga Ebu Hamza Enes Ibn Maliku, r.a., shërbyesi i të dërguarit të All-llahut, a.s., transmetohet që i dërguari, a.s., të ketë deklaruar : "Asnjëri prej jush nuk ka besuar (me besim të plotë) përderisa nuk do të dëshirojë për vëllanin e vet atë që dëshiron për vete."
Duhet të jemi prej atyre që e duan vëllanë e vet Musliman si veten e tyre , atë që duan për vete e duan edhe për vëllanë e vet , atë që e hanë për vete i japin edhe vëllaut të tij Musliman etj., duhesh të jesh i dashur ti për vëllaun tënd që të jetë vëllau yt i dashur për ty, këtë dashuri vëllazërore Islame ua mundëson vetë Islami , paramendo kur thotë një njëri prej Muslimanëve : Këtë këtu e dua për hir të All-llahut Xh.Sh dhe për të jam i gatshëm të flijohem e kështu ndodh edhe me vëllaun e tij , atëherë çfarë mendoni si do të ishte kjo vëllazëri... vërtet do të jetë vëllazëri që do e lakomonin secila fe e kombësi, por fatkeqësisht kohëve të fundit nuk jemi duke treguar vëllazërin tonë fetare , athua pse?! athua ndoshta se na u ngurtësuan zemrat dhe në zemrat tona u hodh perde e madhe e zezë që të mos shohim vëllezërit që qajnë për ushqim , që janë të varfër , ndoshta nuk i shohim as jetimët , athua nuk shohim as gratë pa burra të tyre , athua nuk shohim vrasjen e vëllezërve tanë për çdo ditë , athua nuk i shohim të moshuarit që vdesin nga mungesa e barnave etj.
Këta ishin disa shembuj që zemra jonë është ngurtësuar dhe nuk sheh vëllezërit tanë që jetojnë në mjerim , ndoshta All-llahu Xh.Sh është duke na qortuar e bërtitur pas çdo ore për këtë mbyllje të syve , ndoshta All-llahu Xh.Sh është duke na thënë që ti ndihmojmë vëllezërit , athua ne harruam që këtë e kemi obligim ...?!
Me të vërtetë paskemi harruar që dashurinë vëllazërore ,dhe ndihmen njëri-tjetrit e kemi obligim , këtë na ka obliguar Muhammedi S.A.V.S. në hadithin e tij të lartëpërmendur :
Nga Ebu Hamza Enes Ibn Maliku, r.a., shërbyesi i të dërguarit të All-llahut, a.s., transmetohet që i dërguari, a.s., të ketë deklaruar : "Asnjëri prej jush nuk ka besuar (me besim të plotë) përderisa nuk do të dëshirojë për vëllanin e vet atë që dëshiron për vete."
Pra tani po dalim jashtë imanit (besimit) plotësisht sepse nuk po rrespektojmë fjalët , këshillat , rekomandimet dhe sugjerimet e Muhammedit S.A.V.S , ne e shohim shumë mirë që pejgamberi Muhammedi S.A.V.S na ka thënë që të duhemi e të ndihmohemi ndërmjet vete , e pse nuk e rrespektojmë këshillen e tij?! ... Ndoshta se e duam pasurinë vetëm për vete , ndoshta se e duam diturinë që kemi vetëm për vete dhe nuk duam ta ndajmë në mes të vëllezërve etj.
Në një hadith tjetër pejgamberi S.A.V.S ka thënë :
Nga Ebu Hurejre, r.a., transmetohet të ketë deklaruar : "E kam dëgjuar të dërguarin a.s., duke thënë : "Nga çfarë ju kam ndaluar largohuni, dhe atë që ju kam urdhëruar bëjeni sa të mundni. Ata që kaluan para jush janë shkatërruar nga shkaku i pyetjeve dhe kontradiktave që kishin me të dërguarit e tyre!"
Pra o njerëz ju e dini shumë mirë që pejgamberi S.A.V.S dhe All-llahu Xh.Sh na kanë këshilluar e urdhëruar në dobi (në favor) tonin , dhe çdo këshillë e tyre është për të na udhëzuar ne (pasardhësit e Ademit) , ngaqë ne kemi humbur siq e shohim nuk ndihmohemi as ndërmjet vete pra na kanë urdhëruar të duhemi ndërmjet vete,atëherë duhet ta rrespektojmë këtë këshillë të tyren (që është në favor tonin).
All-llahu na urdhëron e na këshillon që të jemi të dashur me njëri tjetrin sepse është e vetmja mënyrë për të arritur një gradë më e mirë se kjo që jemi , na thotë All-llahu Xh.Sh në Kur'an :
"Besimtarët dhe besimtaret janë të dashur për njëri-tjetrin, urdhërojnë për të mirë, e ndalojnë nga e keqja, e falin namazin dhe japin zeqatin, respektojnë All-llahun dhe të dërguarin e Tij. Të tillët do t’i mëshirojë All-llahu. All-llahu është ngadhënjyes, i urtë." (Et-Tewbeh/711) ... pra e pse nuk jemi ne prej atyre që e ndihmojmë vëllaun tonë në rast nevoje , e pse nuk jemi ne prej atyre që All-llahu do ti mëshirojë ... pra nëse duam të jemi prej atyre që do të mëshirohemi nga All-llahu Xh.Sh duhe të jemi të mirë dhe ti ndihmojmë vëllezërit tanë. Pasiqë ne e dimë shumë mirë që shumë vëllezër tanë vuajnë nga uria , e shumë të tjerë nuk kanë qati mbi kokë , e shumë të tjerë janë jetimë , e shumë të tjera nuk kan burra që të përkujdesen etj., pra për këtë All-llahu Xh.Sh dhe Muhammedi S.A.V.S na ka këshilluar e sugjeruar për ti ndihmuar vëllau - vëllaut , ai që e ndihmon njërin prej vëllezërve do të ndihmohet nga All-llahu Xh.Sh., çdo njëri nga ne duhet ta ndjej si obligim në zemrën dhe trupin e tij që të ndihmoj vëllaun ose motren e tij që është në gjendje të vështirë financiare,ekonomike ose edhe shpirtërore. Me të vërtetë ndihma jonë ndërmjet vete vëllau me vëllanë shpërblehet dhe ka vlerë të madhe tek All-llahu Xh.Sh., ne të vërtetë All-llahu i do ata që duhen ndërmjet vete për hir të tij (All-llahut Xh.Sh).
Ne nuk duhet të jemi prej atyre që vëllaut tonë Musliman nuk duam të ia tregojmë diturinë tonë , sepse ne duhet të jemi krenarë që edhe vëllau ynë po mëson nga dituria yte. Shpesh herë hasim në raste në xhelozira të dobëta dhe të paarsyeshme dhe kështu nuk iu tregojmë të tjerëve atë që dijmë sepse mendojmë se mos ai mund të bëhet më i mirë në fushën që i tregoi. Këto vese të liga duhet hequr nga personalitetet tona dhe duhet krijuar personalitete tjera shumë dorëlëshuar duke ndihmuar vëllezërve në çdo aspekt në atë material dhe psikologjik etj.
Deri në çastin e vdekjes duhet të sakrifikohemi për vëllezërit dhe motrat në Islam pasiqë kjo shkon në dobi tonin , nëse kemi dituri atëherë atë duhet shfrytëzuar deri në pikën e fundit ... e si ta shfrytëzojmë?... shfrytëzojeni duke i ndihmuar të varfërit e jetimët se me të vërtetë ata kanë nevojë dhe njëkohësisht ti do të jesh një ndër robërit e dashur tek All-llahu Xh.Sh., me të vërtetë All-llahu gëzohet kur shikon Muslimanët tek ndihmohen njëri me tjetrin, poashtu nëse kemi dituri duhet shfrytëzuar deri në pikën e fundit dhe deri në çastin e vdekjes ... e si ta shfrytëzojmë?... shfrytëzojeni duke i ndihmuar ata (vëllezërit dhe motrat Musliman/e) duke mbajt ligjerata e duke shkruar libra , duke i këshilluar dhe duke i udhëzuar me të vërtetë kjo është vepër e dashur tek All-llahu Xh.Sh., këto fjalë që thashë deri më tani i shoqëroi me një hadith të pejgamberit Muhammedit S.A.V.S :
Transmetohet nga Abdullah Ibn Amr Ibn Asi që i dërguari a.s., të ketë thënë : " Kush dëshiron të shpëtojë nga zjarri dhe të hyjë në Xhennet le ta presë vdekjen duke besuar në All-llahun Xh.Sh dhe Ditën e Gjykimit, duke u dëshiruar njerëzve atë që e dëshiron për vete."
E more njerëz shikoni sa bukur e ka paraqitur (i dituri) pejgamberi Muhammedi S.A.V.S në një hadith qështjen e (vëllazërin) muslimanëve :
Nu'man Ibn Beshiri, r.a., rrëfen se si i dërguar, a.s., kishte deklaruar : " Shembulli i besimtarit në dashurinë e ndërsjelltë, mëshirë dhe bashkëdhembje është si shembulli i një trupi. Kur dhemb një organ i tij, pjesa tjetër e trupit solidarizohet dhe i bashkohet në pagjumësi dhe temperaturë."
Dhe me të vërtetë kështu është ... mjerë ai që nuk e kupton, ne si musliman duhet të ndjejmë dhembje për një gjë e keqe e cila i ndodh një vëllau tjetër, dhe duhet t'i qajmë hallet bashkë me të sepse dhimbja e tij prek edhe në zemrën e shpirtin e muslimanëve të tjerë , qysh edhe u prekën gjithë Muslimanët me vdekjen e Pejgamberit Muhammedit S.A.V.S. ... vëllezër me të vërtetë jemi si një trup dhe në këtë trup gjinden shumë sëmundje dhe viruse të ndryshme por gjithsesi të bashkuar jemi dhe do ti tejkalojmë me ndihmën e All-llahut Xh.Sh., dhe gjithashtu me ndihmën e All-llahut do të dalim prej të fituarve dhe të dobishmive.
Të jemi prej atyre që duhemi ndërmjet vete e jo prej atyre që tallen me të tjerët , e një besimtar Musliman nuk duhet tallur me tjetrin për të meta apo për ndonjë gjë tjetër , sepse është mosndëgjim i këshillave të All-llahut Xh.Sh dhe Muhammedit S.A.V.S., pra duhet të jemi të gëzuar e të dashur dhe jo të përqarë e duke ndenjur e duke përqeshur vëllezërit tanë, sepse ata mund të jenë thjesht më delikatë në një aspekt,qështje,karakter apo mentalitet dhe kjo nuk do të thotë se duhet përqeshur, për këtë gjë (që unë përmenda) na këshillon edhe All-llahu Xh.Sh në Kur'anin Famëlartë :
"O ju që besuat, nuk bën të tallet një popull me një popull tjetër, meqë të përqeshurit mund të jenë më të mirë nga ata të cilët përqeshin dikë tjetër, e as gratë me gratë e tjera, sepse mund të ndodhë që gratë e tera të jenë më të mira se ato që përqeshin (duke e nënçmuar njëri-tjetrin) dhe mos etiketoni njëri-tjetrin me llagape. Pas besimit është keq të përhapet llagapi i keq. E ata që nuk pendohen, janë mizorë." (El-Huxhurat/11)
E ju, a nuk e keni kuptuar që po bini në kundërshtim me fjalët e All-llahut ?!... E pse atëherë vazhdoni pasiqë e keni kuptuar, mos...mos... vazhdo sepse është gabim dhe për këtë ta ka tërhekur vërejtjen All-llahu Xh.Sh dhe Muhammedi S.A.V.S., pra pendohu me një pendim të sinqertë dhe drejtoju All-llahut duke i thënë ... O All-llah unë vërtet nuk i kam ndihmuar ata (vëllezërit e mi Musliman) ... por sot po pendohem ... dhe prej sot do të filloj e ti ndihmoj me cilëndo mundësi të kem, si me atë materiale si me atë psikologjike.
Poashtu All-llahu Xh.Sh na ka urdhëruar që në mes vete të mos shkojmë keq, të mos egërsohemi, të grindemi e të vritemi ndërmjet vete sepse kjo është mosmirënjohje dhe mosrrespekt ndaj atij (Krijuesit), dhe kjo nuk është gjë e mirë, sepse prap jemi duke kundërshtuar fjalët e All-llahut dhe duke e shkatërruar veten,vëllezërit dhe Islamin, sepse duke mos ndihmuar njëri tjetrin atëherë ne i japim një fytyrë dhe pasqyrë tjetër Fesë Islame, pra për të mos e hidhëruar All-llahun Xh.Sh dhe për të mos i thyer urdhërat e tij atëherë le të tregohemi vëllezër të vërtetë ... sepse duke mos treguar vëllazëri ndërmjet vete do të thotë se nuk rrespektojmë këshillat e All-llahut Xh.Sh siq është kjo :
O ju që besuat, mos e hani mallin e njëri-tjetrit në mënyrë të palejuar, përpos tregtisë në të cilën keni pajtueshmëri mes vete, dhe mos mbytni veten tuaj (duke mbytur njëri-tjetrin). Vërtet, All-llahu është i mëshirueshëm për ju. (En-Nisa/29)
O ti... që e do All-llahun dhe Muhammedin rrespekto këshillat e tyre, sepse këshillat e tyre janë në dobi të njerëzisë.

“Të duash Vëllaun e Një Feje do të thotë të Rrespektosh veten dhe Zotin”.


Punoi : Alban Podrimja