Semundja e divorcit

[Semiramida]

Çiftet që i thonë vërtet lamtumirë njëri-tjetrit pësojnë një traumë të thellë, e cila nuk shërohet edhe nëse njëri prej ish-partnerëve vendos të krijojë një lidhje të re...



Trauma e një divorci nuk harrohet lehtë: një ndarje nuk lë vetëm shenjë në nivel psikologjik dhe ekonomik, por sjell me vete edhe shqetësime e probleme fizike, shpesh shumë të rëndësishme. Ky është përfundimi i një studimi amerikan i realizuar nga Universiteti i Çikagos dhe i publikuar në "Journal of health and Socual Behaviour", nga i cili ka dalë se divorci ka një efekt shkatërrues mbi shëndetin e ish-bashkëshortëve, që nuk rifitohet as kur ia nisin nga e para me një partner të ri.

Studimi

Ashtu siç shpjegon BBC, analiza është kryer në një grup prej 8652 personash me moshë nga 51 deri në 61 vjeç dhe i ka lejuar ekspertët të zbulojnë se "subjektet" me një martesë të dështuar mbi shpinë vuanin më shumë nga sëmundjet kronike (përfshi këtu edhe kancer dhe probleme kardiake) me një mesatare rreth 20 për qind më të lartë se ata që kishin zgjedhur të mos martoheshin asnjëherë. Për më tepër, nëse mendoni se rifillimi i jetës të ndihmon të rimarrësh veten, gaboheni: nga kërkimi ka dalë se përqindja e rrezikut për ata që martohen pas një ndarjeje nuk ulet fare, por zbret në kuotën 12 për qind.

Martesa dhe shëndeti

Sipas shkencëtarëve amerikanë, e vetmja mënyrë për të mos e dëmtuar shëndetin është ajo që të kemi një lidhje të gjatë e të lumtur. Përndryshe, një eksperiencë martesore negative dhe problematike çon në mënyrë të pakthyeshme në çrregullime psikofizike. Për shembull, për shumë vite me radhë studimet kanë treguar se ata që janë beqarë kanë një rrezik më të vogël për t‘u sëmurur në mënyrë serioze dhe si ata edhe personat që kanë fatin të jetojnë për gjithë jetën në krah të njerëzve të duhur. Për gjithë të tjerët këshilla e ekspertëve është: "Të punosh shumë deri sa martesa funksionon dhe ka jetëgjatësi, me kusht që kjo të mos jetë një lidhje shkatërruese". Christine Northan, përgjegjëse e "Relate", organizata kryesore britanike që i dedikohet këshillimit për çifte, shpjegon se nëse njerëzit kanë një martesë të lumtur janë më të shëndetshëm.

Shumë rrallë kanë probleme me shëndetin dhe vdesin më pak nga sëmundjet e zemrës, sidomos infarkti. Kush zgjedh të martohet për herë të dytë pas një divorci, është e detyrueshme ta zgjedhë me kujdes partnerin dhe t‘u qëndrojë larg njerëzve që në çfarëdolloj mënyre të kujtojnë lidhjen e vjetër. Sipas një studimi të Universitetit të Virxhinias, faktori më i rëndësishëm për "lumturinë martesore" të grave është ai që bashkëshortët të përfshihen në emocionet e tyre dhe kjo është madje edhe më e rëndësishme se sa ndarja e detyrave. Të tjerë kanë studiuar lidhjen mes nivelit hormonal dhe stabilitetit të çifteve.

Në Ohajo, një grup çiftesh u studiua për 10 vjet. Te partnerët, që më pas u divorcuan, u vu re një nivel i lartë i hormoneve të lidhura me stresin, si adrenalina. Këto nivele ishin më të dukshme sidomos te gratë. Ato shfaqnin shenja të tensionit të lartë, edhe pse çiftet nuk deklaronin probleme të veçanta. Një kombinim hormonal që jep stabilitet? Sipas kërkuesve të Universitetit të Pen, kjo varet nga testosteroni. Nëse te meshkujt është më i ulët se normat mesatare dhe te femrat është më i lartë, lidhja funksionon. Dhe ajo u ofron mbështetjen e duhur.

Gratë, më të prekura

Specialistët thonë se gratë janë ato që preken më shumë nga sëmundjet e divorcit dhe kryesisht nga dhimbjet e kokës. Kjo dhimbje prek një ndër katër gra dhe një ndër 12 burra dhe për shumë njerëz në botë është një arsye e fortë për t‘u takuar shpesh me neurologun. Kulmin e arrin mes moshës 30-39 vjeç, por pas nuk ngelen edhe fëmijët. Njerëzve që u dhemb koka në mënyrë kronike, ashtu si specialistët, e dinë shumë mirë se këto dhimbje nuk largohen kollaj, nëse për një kohë të gjatë është abuzuar me ilaçe të llojeve të ndryshme për të gjetur qetësi. Aq i madh është numri i atyre që vuajnë, sa në shumë vende të botës mjaft pacientë kanë krijuar edhe shoqatat e tyre, me qëllimin e vetëm për të sensibilizuar njerëzit për një sëmundje që shpesh nënvlerësohet, ose kurohet keq. E në fakt, shifrat janë vërtet alarmante.

Dhimbja e rastësishme e kokës prek rreth 8 milionë europianë çdo ditë, ku 3 milionë vuajnë nga ajo e formës kronike, që në pjesën më të madhe të rasteve e kërkojnë shpëtimin tek abuzimi me ilaçe, që ndikon drejtpërdrejt në shndërrimin kronik të problemit. Ndoshta jo rastësisht OBSH-ja e ka renditur dhimbjen e kokës në listën e sëmundjeve që janë të vështira të shërohen. Pacientët në të gjithë Europën, sipas të dhënave të publikuara në "Europian Journal of Neurology", shpenzojnë më shumë se 27 miliardë euro çdo vit, ku përfshihen ilaçet dhe trajtimet e ndryshme të lidhura me të. Kjo sëmundje prek zakonisht njerëzit që e kanë të trashëguar gjenetikisht, por jo vetëm ata.

Stresi, tensioni, mënyrat jo korrekte të të jetuarit, ndryshimet klimatike, ushqime të caktuara, janë faktorë të rrezikshëm, që ndikojnë në shfaqjen e saj. Specialistët këshillojnë se duhet trajtuar mirë që në fillim, për të evituar që krizat të bëhen periodike. Dhimbja e kokës prek 18 për qind të grave, 25 për qind të atyre në moshë pjellore dhe 6-7 për qind të burrave. Mesatarisht vuan 13 për qind e popullsisë së përgjithshme. Rezultatet tregojnë se një e katërta e personave me dhimbje koke kalojnë nga gjendja sporadike në atë kronike, për shkak të abuzimit me ilaçet, sepse terapia e gabuar e favorizon më shumë këtë gjë. "Gratë që e përjetojnë keq divorcin preken më shpesh nga kjo lloj sëmundje. Mesatarisht atyre u dhemb koka rreth 2 ose 3 herë në javë, por nuk përjashtohen rastet kur vuajnë nga dhimbja kronike dhe e përditshme e kokës.

Burrat janë në të fortë në këtë aspekt. Ata preken më shumë nga sëmundjet kardiovaskulare dhe përqindja e vdekjeve nga infarkti te të divorcuarit është më e lartë", shpjegojnë specialistët. Po ashtu, një tjetër shqetësim përbën edhe tensioni i lartë i gjakut për të dyja palët. Si te burrat ashtu dhe te gratë e divorcuara vihej re një rritje e tensionit të gjakut, që lidhet në mënyrë të drejtpërdrejtë me stresin e tepërt./shqip/

[Diamanta]

Raporti i CIA-s

Divorcet e regjistruara nëpër gjykatat tona, tronditin agjencitë botërorë të statistikave. Agjencia prestigjioze “Nation Master”, duke marrë të dhëna nga CIA World Fact Book, e ka renditur Shqipërinë të 14-ën në botë për numrin e divorceve.Por duke shkuar më tej, sipas statistikave, Shqipëria është e 5-ta në Evropë për numrin e divorceve dhe e para në Ballkan. Sipas raportit, rezultojnë të divorcuar 0.83 persona në një mijë vetë.

Divorcet e regjistruara nëpër gjykatat tona trondisin agjensitë prestigjioze në botë të cilat merren me klasifikimin e vendeve për sa i përket fenomenit, që rregullohet me ligj, të divorcit. Ndërkohë që shifrat vendin tonë e rendisin në pozicionin e 14, bëhet e ditur se Shqipëria ka numrin më të madh të divorceve në të gjithë Ballkanin, madje shkohet më tej në hartën e “Nation Master” kur konstatohet se nga të gjitha vendet e rajonit listohet vetëm Shqipëria dhe diku nga fundi zënë vend Greqia dhe Turqia, por në shifra fort herë më të ulëta se ne.


Edhe pse nga ana e lajmëtarëve të gjykatave tona, rrallë paraqiten shifra të betejave të çifteve shqiptare për t`i dhënë fund martesave të tyre nëpër sallat e gjykatave, është “Nation Master”, që na tregon në tabelë vendosjen me statistika të divorceve në Shqipëri duke saktësuar se në 1000 vetë divorcohen 0, 83 persona.


Statistikat e kësaj agjencie tregojnë se në krye të listës mbeten Shtetet e Bashkuara të Amerikës, ndërsa bie në sy fakti që Shqipëria ka para në këtë listë si shtete evropiane vetëm Rusinë Finlandën dhe Portugalinë, ndërkohë që nga vendet e fundit bien në sy Danimarka me Italinë.

Burime të gazetës saktësojnë se realisht në gjykatat e rretheve e sidomos në atë të Tiranës çështjet për divorcin janë shtuar nga viti në vit dhe sidomos në rrethet e mëdha ku në krye sërish mbetet Tirana, e kjo jo vetëm për numrin e madh të popullsisë, por edhe për një sërë faktorësh të tjerë.


Por, si ka lëvizur problemi i divorcit në vendin tonë?


Nga statistikat e shkëputura shumë kohë më parë është saktësuar se divorci më shumë se sa një fakt gjyqësor tashmë duket se është përfshirë në një fenomen tronditës të shoqërisë shqiptare.

Ky fakt, që na rendit të 14 në botë, ka marrë një përgjigje realisht në muajin gusht të këtij viti, kur në disa gjykata të rretheve të vendit numri i padive dhe i kërkesave për divorc thuajse u kthye në një bum.


Referuar të dhënave shqetësuese që u transmetuan nga regjistruesit e gjykatave u mësua se një nga faktet që e rriti numrin e kërkesave ishte edhe muaji pushim i gjykatësve, por në të vërtetë fluksi solli në vëmendjen e studiuesve një nga shkaqet më reale ku starton problemi i divorcit.

Një përqindje e madhe e kërkesa-padive kishte protagoniste bashkëshortë që vinin nga jashtë. Ndonëse ky shkak nuk është i pa hasur edhe më parë në dosjet që mbushin sirtarët e gjykatave por me sa duket problemi vjen në rritje çdo ditë e më tepër.


Kështu u tha se nga regjistrimet e kryera në një periudhë thuajse 9 mujore në vendin tonë mësohet se numri duke u krahasuar me një vit më parë është shumë herë më i madh se viti i kaluar, ndërsa krahasuar me vitet e tjera rritja e këtij viti është thuajse alarmante.
Shkaqet e evidentuara në Gjykata


Motivi më i shpeshtë, linçuar në kërkesë-padinë e divorceve që bëjnë çiftet mësohet se ndryshon nëpër rrethe. Kategoritë e arsyeve të divorceve janë të shumta por veçohen kryesisht arsyet që çojnë zakonisht çiftet që njëri prej bashkëshortëve, e në rastin tonë bashkëshortit, të jetë emigrant.

Ndonëse ende nuk është saktësuar përqindja në lidhje me personin që kryen padinë, por emigrantët mësohet se muajve të verës kanë kryer edhe përqindjen më të madhe të kërkesave për divorc.

Mësohet se shkaku kryesor bëhet tradhtia bashkëshortore, ndërsa në pjesën më të madhe të dosjeve që mbartin edhe motivet që gjelozia është kryesorja. Kushtet ekonomike nga njëra anë dhe pavarësia ekonomike nga ana tjetër, që kjo e fundit bën që të evidentohen edhe kërkesat e grave për të zgjidhur martesën.


Shifrat e divorceve nga 2004-a.


Në vitin 2004 janë regjistruar gjithsej 4577 çështje familjare në të gjitha gjykatat e shkallës së parë. Nga totali i këtyre çështjeve familjare 3670 kanë qenë zgjidhje martese.

Në vitin 2005 janë regjistruar gjithsej 5526 çështje familjare, nga të cilat 4633 kanë qenë zgjidhje martese, pra në vitin 2005 janë shqyrtuar 963 zgjidhje martese më shumë se sa në vitin 2004. Në vitin 2006 numri i çështjeve familjare të regjistruara gjithsej është 5742.



Nga ky numër 4727 janë zgjidhje martese, pra 94 zgjidhje martese më shumë se sa në vitin 2005 dhe 1057 zgjidhje martese më shumë se sa në vitin 2004. Në vitin 2007 numri i çështjeve familjare të regjistruara gjithsej është 6658.

Nga ky numër 5335 janë zgjidhje martese, pra 808 zgjidhje martese më shumë se sa në vitin 2006 dhe 902 zgjidhje martese më shumë se sa në vitin 2005.

Në vitin 2008 numri i çështjeve familjare të regjistruara gjithsej është 8082. Nga ky numër 6109 janë zgjidhje martese, pra 774 zgjidhje martese më shumë se sa në vitin 2007 dhe 1382 zgjidhje martese më shumë se sa në vitin 2006.

Nga 6109 çështjet e regjistruara, 5089 kanë përfunduar dhe 1020 janë ende pa përfunduar. Nga çështjet e përfunduara 2122 janë me kërkesën e bashkëshortit, 3155 me kërkesën e bashkëshortes dhe 832 me kërkesë të përbashkët.

Specialistët kanë arritur në konkluzionin se numri i zgjidhjeve të martesës të shqyrtuara nga gjykatat ka ardhur në rritje në krahasim me vitet e mëparshme.

[Fiona]

Larg qoft.

[ilia spiro]

Shifrat per divorc nuk tregojne ndonje gje te madhe kur shteti lidh e zgjidh martesa ne bashki mbi bazen e nje dokumenti formal i cili eshte vetem nje cope leter per te fshire....
behet vetem per aresyet e ndarjes se pasurise dhe asgje tjeter
nje cift qe duhet nuk ka nevoje per kete cope leter.
ketu na dalin me besnike politikanet sepse ata nuk "ndahen" kurre nga grate per aresye skandali, por nderrojne nga nje dashnore per cdo jave.
ketu ka vetem hipokrizi

[Alpina]

Divorci dhe pasojat mbi fëmijën
Divorci nuk eshte thjesht nje ngjarje e shkeputur, por nje proces i tere, i gjate dhe i nderlikuar qe kalon ne nje sere fazash ose etapash (parandarja, ndarja, ambientimi, riorganizimi dhe martesa e re:( secila paraqet probleme te ndryshme per familje te vecanta qe vazhdojne per periudha kohe, te varura nga shume faktore. Nga ana tjeter, cdo etape ka ndikim e vet mbi femijet e te gjitha moshave. Sjelljet korrekte te prinderve te divorcuar mund te zbusin shume nga keto pasoja, po asnjehere nuk arrijne te sherojne kete plage te dhimbshme qe mbetet e hapur per tere jeten.

[Carpe Diem]

Mendoj se te gjykosh per divorcin kur ndodh apo nuk ndodh, eshte delikate.
E para besoj se eshte relative ne varesi te personave, rrethanave, kushteve, etj...
E dyta, edhe aspekti i shmangies se saj besoj sjell pasoja te tjera qe gjithashtu mund te reflektohen tek femija. Nese nuk kemi te bejme me nje raport te shendosh midis dy prinderve, fshehja ose kontraktimi i ketij te fundit per tu mos u shfaqur te femija, do te ishte i kote.
Andej nga anet e mia thuhet " shtrydhe brumin ne dore e do dal ndermjet gishtrinjve.." pra sado te perpiqen dy persona te jetojne se bashku per hir te femijve, ne radhe te pare nuk gezojne jete te vertete, dhe kjo gjithashtu do reflektohet te femija.

Mora vetem kete aspekt pasi pasojat kur divorci ndodh, dihen.