Femra Muslimane!...

[crackeri]

Esselamu Alejkum

Në këtë rubrikë do të flasim rregullat të cilat Islami iu cakton perkitazi me femren.

Jeni të mirëseardhur forumista të postoni artikuj të ndryshëm.


Me t'mira

[Erblina]

Esselamu Alejkum

Në këtë rubrikë do të flasim rregullat të cilat Islami iu cakton perkitazi me femren.

Jeni të mirëseardhur forumista të postoni artikuj të ndryshëm.


Me t'mira


Alejkum, Selam........Crackeri!

Pasi qe kjo , rubrik ka t'bej me Femren ,Muslimane!

Ja një webfaqe , weq ,për femra Muslimane!

www.pertymoter.net

[Aida]

Varrosja e gjallë e fëmijës femër
Në këtë tregim të vërtetë shohim si kanë vepruar njerëzit ndaj fëmijëve femër në gadishullin e Arabisë para paraqitjes së islamit...

Është shënuar që Abdullah ibn Mugafela r.a. ka treguar: "Isha njëherë me Pejgamberin s.a.v.s. dhe i tregova çfarë kam bërë në kohën e injorancës (para se ta pranoj islamin). I thashë: "I Dërguar i Allahut, ne para islamit e varrosnim fëmijën femër për së gjalli, sepse mendohej që është turp nëse i lind dikujt fëmi femër. Unë njëherë shkova në rrugë të gjatë, ndërsa gruaja ime shtatëzënë mbeti në shtëpi . . .

U ktheva nga ky udhëtim i gjatë pas katër viteve dhe para shtëpisë e pashë një vajzë të vogël, diç më të bukur asnjëherë nuk kisha parë. E pyeta bashkëshorten për këtë vajzë dhe ajo më tha se është vajza jonë. I thashë bashkëshortes ta vesh me rrobat më të bukura vajzën tonë (ishte traditë që vajzës t'ia vishnim rrobat më të bukura para se me varrosur), ndërsa gruas i shkoi mendja çfarë kisha ndërmend unë dhe më tha që vajza është emanet që ma ka dhënë Zoti, andaj mos e thyej këtë emanet. Unë i thashë që kam për qëllim ta dërgoj vajzën deri te farefisi për t'ua treguar.

U nisa me vajzën në shkretëtirë dhe u drejtova kah një pus i lënë, ndërsa vajza e lumtur, e hareshme më përqafonte fuqishëm pasi që pas tërë këtyre viteve u takua me babain. Kur arrita te pusi e kapa për këmbë për ta hudhur në pus, por nuk pata zemër, dhe u ktheva. Por gjatë rrugës mendova çfarë do të thonë njerëzit nëse e lë të jetojë, andaj përsëri u ktheva te pusi për ta hudhur, por përsëri nuk pata zemër ta bëj.

U ktheva për herë të tretë dhe kur desha ta hudh në pus, ajo tha: "O baba, mos e thyej emanetin" - iu kujtuan fjalët e të ëmës, por unë këtë herë e hudha. U ula pranë pusit dhe dëgjoja britmat e saj derisa ngulfatej, gjersa për një moment heshti.

Kur e përfundova tregimin, shikoja Pejgamberin s.a.v.s., ndërsa lotët i shkonin rrëke në fytyrën e tij. Dhe kërkoi Pejgamberi s.a.v.s. që këtë ta përsëris edhe një herë, dhe kur përfundova më tha: "O Abdullah, pasha Allahun, sikur mbi dikë do ta kryeja dënimin e sheriatit për shkak të mëkatit që ka bërë para pranimit të islamit, tani do të dënoja, tani do të urdhëroja të mbysin për këtë veprim të shëmtuar që ke bërë ndaj një krijese të dobët dhe emanetit që ta ka dhënë Allahu i madhërishëm."

Në këtë tregim të vërtetë shohim si kanë vepruar njerëzit ndaj fëmijëve femër në gadishullin e Arabisë para paraqitjes së islamit. Sot, njerëzit nuk bëjnë këso gjëra, por bëjnë vepra tjera që u sjellin dëm të madh fëmijëve të tyre.

Shumica e prindërve përpiqen që fëmijëve të tyre t'u sigurojnë shtëpi të bukur e komfore, shkollim të mirë dhe punë, mjet transportues luksoz, etj. Natyrisht kjo është për lavdatë, por shumica e prindërve fëmijët e tyre i lëshojnë në një segment të rëndësishëm të jetës, në edukim.

Dhe shohim shpesh që prindërit kujdesen për fëmiun deri në moshën 16-17 vjeçare, në mënyrë që ata nuk i dëgjojnë më prindërit, dalin nga shtëpia kur të dëshirojnë dhe kthehen kur të dëshirojnë. Disa prej tyre lëshohen pas përdorimit të duhanit, alkoolit, drogës, etj.

Allahu i madhërishëm i ka krijaur njerëzit dhe Ai e di më së miri çfarë është e mirë për ata, andaj nëse njeriu përpiqet të gjejë lumturi dhe kënaqësi në ndonjë mënyrë përveç rrugës së Allahut, i tilli do të përjetojë mossukses dhe do të jetojë me vështirësi në këtë jetë, ndërsa në jetën tjetër do t'i mallkojë prindërit e tij.

Për këtë le të mendojmë për vete dhe fëmijët tanë dhe mos të lejojmë që fëmijët tanë t'i "varrosim të gjallë", dhe të jemi humbës në këtë dhe botën tjetër.

T'i përkujtojmë fjalët e Allahut e madhërishëm: "O ju që besuat, ruajeni veten dhe familjen tuaj prej një zjarri, lëndë djegëse e të cilit janë njerëzit dhe gurët . . ." (Et - Tahrimë, 6)

Në fund i lutemi Allahut të Lartësuar që të jemi prej atyre që përmenden në këtë hadith: "Njeriu do të qëndrojë para Allahut në ditën e Gjykimit dhe do të shikojë nga ana e djathtë dhe e majtë e tij dhe do të sheh shumë vepra të mira, të mëdha sa kodrat dhe njeriu do të thotë: "Kjo nuk është e imja, këtë nuk e kam bërë unë", por do t'i thuhet: "Po, këto vepra të takojnë ty, sepse pas vetes ke lënë fëmi të edukuar dhe të hajrit, i cili ka bërë vepra të mira dhe është lutur për ty, andaj ti tani ke pjesë në këtë." (Hadithin e shënon Taberaniu)


Përktheu dhe përshtati: Prim.dr.med.sc. Ali F. Iljazi

[I L M G A P]

Pesë mënyra origjinale për zbukurimin tënd


1.Për të pasur lëkurë të lëmuar.

Bëje që dashuria të jetë amperi juaj kryesor në çdo veprim me familjen tënde. Largoju merzitjeve dhe ji optimiste, pranoje të vertetën me zemcr të mire qe të ruash shkëlqimin e lekurës tëre jetën, me lejen e All-llahut të madhëruar.

2.Per të pasur sy të shkelqyer.

Shiko me një shikim të ëmbël tek shoqëruesi i jetës tënde, tek i dashuri jot, përqëndroje shikimin e mbushur plot dashuri tek sytë e tij, me qëllim që të arrijë në zemrën e tij, në qendrën e ndikimit kryesor e cila e përcjell ate për në zemren tënde sikur një rrjet elektrik, dhe zemra e tij i pergjigjet syve të tu

-përsërite vazhdimisht këtë ushtrim profetik të nderuar: (Me të vertetë nese burri shikon tek gruaja e tij dhe ajo shikon tek ai, i shikon ata All-llahu (subhanehu ve teala) në rast se kap doren e saj u bien gjunahet e tyre ndermjet gishterinjeve) përserite këtë ushtrim të paktën dy here në dite një herë para se të shkoje për në pune dhe një herë tjeter kur të kthehet nga puna.

3. Për të pasur buzë të bukura.

Përdor gjithmone fjalë të mira, të kuptueshme dhe plot dashuri, ule zërin tend, mundohu të jesh sa më afër në momentin kur bisedon me te. Fjalet e tua në këtë mënyre kanë një ndikim të çuditshëm tek ai, fjalë të cilat dalin prej dy buzeve të bukura të zbukuruara me turp dhe me butësi.

4. Për të pasur duar dhe gishterinj të butë dhe si ti mbrojmë ato nga ashpërsimi?

Në rast se ndodh ndërmjet jush ndonje mosmarrveshje çohu dhe zbato këtë ushtrim profetik. (A doni tju tregoj juve për cilesite e grave të xhenetit, cdo grua e sjellshme dhe welud (ato qe lindin femije shume) në rast se nevrikoset ose burri i saj sillet keq me te, ose ka kundershtuar urdhërin e tij, thotë: kjo është dora ime tek dora jote dhe unë nuk do ta largoj ate prej ketu derisa ti të jesh i kenaqur prej meje)

Dhe së fundi..

5. Veshët e tu.

Qe të jesh zonja e nje veshi edukues; përdore veshin tënd të mprehtë i cili i përgjigjet vetëm të mirës, përgjon vetëm të mira dhe gjëra të dobishme, shurdhoje apo mbylle ate në drejtim të të dëgjuarit të thashethemeve apo çdo të keqje dhe të shëmtuare.

Mëso stilin e të dëgjuarit dhe të mos dëgjuarit, dhe përqëndrohu me bashkëshortin tënd mirë, ji dëgjuese e mirë kur ai të flet për gjërat që i interesojnë dhe punën e tij, sepse ne kemi dy veshë e vetëm një gojë.

[I L M G A P]

Detyra jonë në familje

Eshtë mirë që të përcaktosh detyrën dhe shpresën tënde në jetë dhe në raportet me familjen tënde. Këto detyra ti shkruani së bashku me familjen tënde dhe ta vëndoni këtë letër në vend të qartë dhe të lartë që ta shohish ti dhe antëratë e familjes, e në bazë të sajë çdo herë të llogaritni vetveten.

1- Punojmë me qëllim që të kënaqim All-llahun [subhanehu ve teala].
2- Veprojmë që të mbjellim mëshirë dhe dhimbsuri në mesin e të gjithëve.
3- E nderojmë të madhin dhe e mëshirojmë të voglin.
4- Të solidarizohen anëtarët e familjes mes vehte.
5- Të punojmë për të realizuar dashurinë mes të gjithëve.
6- Veprojmë që të zotëron bashkëpunimi mes anëtarëve të familjes.
7- Kujdesemi që shtëpia jonë të jetë vendi ku do të gjejmë rehati, qetësi dhe lumturi.
8- Duhet të jemi të urtë gjatë asaj që e zgjedhim dhe e lexojmë, ose asaj që e shohim dhe veprojmë në shtëpi.
9- Të gjithë do të bëhemi një dorë në punë të mira dhe adhurime.
10- Do ta çlirojmë vetveten nga çdo zakon i keq.
11- Duhet të kujdesemi mbi rregullin dhe diciplinën e shtëpisë sonë, gjatë mësimeve dhe në vetveten tonë.
12- Duhet të kujdesemi për pastërtinë e shtëpisë dhe veshmbathjes tonë.
13- Veprojmë në shërbim të nevojtarëve dhe në ndihmë të skamnorëve.
14- Ambientin shtëpiak do ta bëjmë të lumtur, gazmor dhe të gëzuar.
15- I dojmë të afërmit tonë dhe mirëmbajmë marëdhëniet tona farefisnore.
16- Nuk mendojme se të tjerët kanë detyra ndaj nesh.
17- Largohemi nga përgojimi dhe bartja e fjalëve.
18- Mos nënçmo dhe nënvlerëso asnjë musliman, pa marë parasysh gjendjen e tij.
19- Largohemi nga imitimi dhe përcjellja e modave.
20- Nuk habitemi me pozitën në të cilën kanë arritur mosbesimtarët.
21- I urrejmë mosbesimtarët dhe munafikat.
22- Largohemi nga e bërtitmeja dhe ngritja e zërit ndaj njëri tjetrit.
23- Largohemi nga nofkat e këqia dhe ofendimet.


Dr. Jahja Ibrahim el-Jahja
Përktheu: Bekir Halimi

[Erblina]

Caktohet Femër Imamë ne një xhami në Belgjikë
Një xhami në veri te Belgjikës ka caktuar një femër në postin e imamit, që të kujdesët për aktivitetet e femrave...!

Megjithatë, ajo nuk do të lejohet të mbajë predikim apo ta fal namazin.

E zgjedhur së bashku me dy imam meshkuj, Havaria Fatah, nënë e tre fëmijëve do të mbikëqyr aktivitetet e femrave në xhami.

"Është hera e parë që po zgjidhet femër si imamë në Belgjikë apo Evropë."thotë përgjegjësi i xhamisë Al-Sahaba në Verviers.

"Kjo do të tregon se femrat dhe meshkujt janë të barabartë në Islam."



Muslimanët në Belgjikë e mirëpritën lajmin.

Belgjika ka popullsi muslimane prej 450.000 banorëve , muslimanë..!

Belgjika ishte e para në Evropë qe ka njohur Islamin si fe shtetërore në vitin 1974.

shkrimi esht marr,nga islamonline.net

[I L M G A P]

Këshilla motrës muslimane...!

Es-selamu alejkum wr wb
Motër: Këto janë fjalë të qarta, fjalë këshilla të sinqerta, kujdes nga miqtë e shejtanit...



Me të vërtetë falënderimi absolut i takon vetëm Allahut, prej Tij ndihmë dhe falje kërkojmë, paqja dhe mëshira qoftë mbi të dashurin, të dërguarin e Tij, Muhamedit, lavdërimi dhe paqja e Allahut qofshin mbi të, shokët e tij në përgjithësi dhe në vazhdim:

Motër muslimane, në çdo vend Es-selamu alejkum ve Rametullahi ve berekatuhu!

Dije motër për Allahun se ti je e barabartë me meshkujt dhe njësoj si ta, je pjesë e ndërtesës njerëzore në përgjithësi, ti je Nënë, grua, motër, hallë, teze, mbesë, gjyshe, për ty Muhamedit, lavdërimi dhe paqja e Allahut qofshin mbi të, ka thënë: “ Pa dyshim se gratë dhe burrat janë të njëjtë (në dispozita). Sahih el xhami 2329

Pastaj ti –motër muslimane- i takon ummetit shumë të dashur dhe madhor, e që është ummeti islam, që në faqen e tokës nuk ka ummet që i ngjason, që lindi trima, udhëheqës, burra, njerëz meritorë dhe çlirimtarë.

Para kësaj themi se ummeti yt është ummet i udhëzimit dhe këshillave, fe e përsosur , është ummet që Allahu e bëri nga ummetet më të mira që ka nxjerr për njerëzit që urdhërojnë për të mirë dhe ndalojnë nga e keqja, udhëheqin njerëzimin në mirësi dhe drejtësi, duke i larguar njerëzit nga adhurimi i krijesave në adhurimin e Krijuesit të vetëm të krijesave, nga kolapsi i dynjasë në lumturinë e dynjasë dhe ahiretit, nga padrejtësitë e feve në drejtësinë e Islamit.
S’ka dyshim se gratë e para të këtij ummeti ishin prijatare që ky ummet mori meritat dhe pozitat e larta.
Dije –motër e nderuar- se Allahu i Lartësuar të gradoi me pozita, mandate dhe nderime të larta, Allahu në Kuran thotë:
“ Besimtarët dhe besimtaret janë të dashur për njëri-tjetrin, urdhërojnë për të mirë, e ndalojnë nga e keqja, e falin namazin dhe japin zeqatin, respektojnë Allahun dhe të dërguarin e Tij. Të tillët do t’i mëshirojë Allahu. Allahu është ngadhënjyes, i urtë.” Tevbe 71.

E nderuar motër Allahu ka bërë legjitime për ty rregulla, të ka dhënë cilësi dhe veçori që të përgjigjen ty, i përshtaten natyrës tënde ku thotë Allahu në Kuran:
“A nuk e di Ai që ka krijuar, kur dihet se Ai depërton në thellësi të sekreteve, i njeh hollësitë.” El mulk 14

Motër e nderuar, je e thirrur të rikthehesh tek Allahu, t’i përmbahesh fesë së tij, të pasosh sunnetin e pastër autentik dhe gjithë këtë me sinqeritet duke ia atribuuar ummetit islam, me mund dhe sakrificë në fortifikimin e gjeneratës së pastër Islame dhe udhëzuese, që ringjall dritën e islamin mbi supet e tyre. !!

Motër, s’ka dyshim se armiqtë e islamit kudo që janë qëllimi i tyre final është të largojnë ty nga detyra jote e pastër parësore në shërbim të fesë dhe ndërtimit të ummetit, i shohim ata që paraqesin mashtrimet të prekshme të kësaj bote, duke i zbukuruar ato me margaritarë dhe modele të ndryshme, të gjitha këto të përgatitura nga kurthet e mohueseve, pastaj thirrje të pambaruara, epshe të shumta duke garuar me to.

Pastaj i shohim këta keqbërës duke ndezur zjarrin e armiqësisë dhe urrejtjes mes teje dhe burrit tënd, ti tek ata je vajzë e shtypur, grua keqbërëse, nënë e pavlerë, motër e shuar !! Ndërsa burrat në mendjen e tyre janë keqbërësit e mëdhenj, dyfytyrëshit dhe tiranët mizorë.

Të gjitha këto shprehje janë luftë e hapur ndaj teje që ti pastaj të bëhesh mendjemadhe ndaj vëllait, të kundërshtosh burrin tënd !Pastaj shohim këta endacak nuk ndalen në këtë, po ndryshojnë kuptimet dhe keqinterpretojnë realitetet, duke e shantazhuar gruan të zhvishet nga petku i rregullave të islamit dhe kufizimet e tij, duke ia veshur frikërespektin ndaj Allahut dhe çiltërinë ndaj tij, si pengës të civilizimit, ndërsa mbulesën si pengës të mendjes dhe meditimit!
Namazi dhe agjërimi si gjëra të kota dhe humbje kohe !! Respektimin e burrit si nënçmim dhe poshtërim!!

Motër: S’ka dyshim se ata janë ujqit e egër duan nga ti të jesh lodër në duart e tyre në të gjitha vendet: Zyre, rrugë, në çdo vend të shfrenimit duke të zhveshur petkun e fesë, moralit, dhe krenarisë tënde.

Të duan ty pa ligje të pastra të islamit, pos ligjin e tekeve të tyre, epshet e përçmuara dhe parimet infektuese..

Ata janë pasues të parëve të tyre femohuesve, ku tek ta femra ishte objekt padrejtësie, humbëse, banale tregti e lirë, jashtë pretendimeve të tyre në drejtësinë gjinore … e çfarë barazie gjinore kjo ?! S’ka dyshim se kjo është barazi e nënçmimit, rënie dhe poshtërim.

Motër: A nuk po shikon si femrat sikur ti, që zhveshën petkun e thjeshtësisë dhe modestisë, duke vrapuar pas epsheve, duke pasuar mashtrimet e të humburve !! Cili ishte përfundimi ? Cilat ishin dobitë e tyre?

Motër: Krenohu me fenë tënde, e cila është lavdia jote, lavdia e baballarëve dhe gjyshërve tu, bëhu shëmbëlltyrë e djemve dhe vajzave tua, vëllezërve dhe motrave tua, familjes dhe fqinjëve tu, bëhu e sinqertë duke iu referuar ummetit tënd të lavdishëm e të nderuar duke ditur se dëlirësia dhe nderi gjendet tek secili që ka ambicie islame, edhe nëse thërrasin pretenduesit me emra të kotë si (dashuri), (liri), (barazi) !!!

Të jesh e bindur motër e nderuar se lumturia e përjetshme është duke qenë vajzë respektuese dhe e ndershme, grua besnike dhe bujare, nënë e devotshme dhe me vlerë, e gjithë kjo është e mbështjellë me realitet dhe mirëshikuar me dritën e besimit !!

Dije motër e nderuar se Namazi është shtylla e fesë ajo që dallon mes muslimanit dhe femohuesit, ramazani është shtyllë, lëmosha është gjëja kryesore që përmes saj Allahu shlyen mëkatet!!
Dije motër e nderuar se ato të zhveshurat që cilat hoqën petkun e turpit duke veshur petkun e civilizimit të modernizuar, nuk do të hynë në xhenet e as nuk do ta nuhatin erën e tij !!

Mësoje dhe mësoja të tjerave që i njeh motër e nderuar; se mbulesa islame ka edhe kushte prej tyre:
1. Të jetë mbulues e tërë trupit (ajo që po e veshin disa muslimane duke shkurtuar hixhabin e tyre deri mbi nyejt e këmbës s’ka të bëjë me realitetin e hixhabit islam),përveç duarve dhe fytyrës.
2. Të mos jetë për zbukurim.
3. Të mos jetë për famë dhe pozitë.
4. Të mos jetë objekt i shikimit.
5. Të mos jetë i ngushtë që paraqet trupin.
6. Të mos jetë i tejdukshëm që tregon se çka ka poshtë saj.
7. Të mos jetë i parfumuar.
8. Të mos jetë i ngjashëm me rrobat e mosbesimtarëve.
9. Të mos u përngjaj rrobave të meshkujve !!



Fjala përfundimtare:

I drejtohem gruas në përgjithësi, në vendin tonë musliman duke i thënë:

Kujdes të zhytesh në hendekun e përkeqësimit, në të cilin gjendet femra në vendet e kufrit, ku nuk gjen atje fe’ që mbron të drejtat e saj, ndërsa femra në vendet islame nuk ka arsyetim, Allahu fenë e mbron nga të gjithë ata që dëshirojnë të shkelin të drejtat e tyre !!
Nuk duam që gruaja në vendet tona të jetë objekt i lojës çka do që t’i thuhet, të veshë çdo rrobë që i ofrohet , të shkoj pas çdo thirrësi djallëzor, duke vrapuar pas çdo epshi !!

Dëshirojmë që femra të ketë pozitë të shkëlqyer si në: Besim, mendim, moral, etikë, veshje dhe në të gjitha poret e jetës !!

Besim: E që është shtylla kryesore e fesë tonë të pastër, të keni kujdes o ju gra nga ajo që e kundërshton këtë, si kërkimi nga ndonjë pejgamber pos Allahut, apo njeri të mbërrimë, apo të devotshëm, apo betim në tjetër kënd pos Allahut, apo zotim a prerje kurban për dikën pos Allahut, apo shkuarje tek falltarët apo shkrimin e hajmalive dhe stërhollimeve që të nxjerrin nga feja, apo gjëra të ngjashme që të nxjerrin nga feja dhe të çojnë në humbje.


Përmbledhje e shkurtë:

Dëshirojmë femër muslimane që peshon gjërat me peshoren e Islamit, e shikon jetën në dritaren e Kuranit duke e shikuar nga këndvështrimi i dynjasë përball ahiretit, e cila merr Islamin si rrugë të udhëzimit, dhe sunnetin e Muhamedit, lavdërimi dhe paqja e Allahut qofshin mbi të, si model dhe mostër te vetin.

Kjo është grua që dëshirojmë e cila ka mundësi të realizoj shumëçka të dobishme në këtë jetë, për veten dhe për të tjerët !!

Motër: Kjo që ke në duar është vetëm përkujtim dhe furnizim për ballafaqimin e gjatë apo të shkurtër, e që fundi i tij është vdekja, pastaj varr, e kush është nga banoret e Xhenetit i zgjerohet varri deri në 70-të krahë, duke u mbushur me gjelbërime deri në ditën e ringjalljes, e kush është nga banoret e zjarrit goditet me një çekan prej hekuri, i ngushtohet atij varri, derisa të thyhen eshtrat e tij !!

Pastaj ringjallja !! qëndrimi para Allahut, pastaj llogaritja dhe shpërblimi !! drejt vendit të përjetshëm, Xheneti hapësira e tij sa hapësira e qiellit dhe tokës apo xhehenemi i nxirë, i acartë dhe i ndezshëm.

“ E kush shmanget zjarrit e futet në Xhenet, ai ka arritur shpëtim.” Ali Imran 185.

Motër: Këto janë fjalë të qarta, fjalë këshilla të sinqerta, kujdes nga miqtë e shejtanit, ushtrisë së Iblisit, ata që dëshirojnë shfrenimin dhe devijimin tënd, bëhu pjesë e të devotshmëve të Allahut, burimore e të mirave dhe të këndshmëve, dije se pozita jote në ngritjen dhe fortifikimin e ummeti është madhore, andaj ngrihu për këtë obligim, duke mos qenë objekt i shkatërrimit dhe fatkeqësive, por bëhu prodhuese e krenarisë dhe lumturisë !

Kthehu tek dy shpalljet, Libri i Allahut, dhe Sunneti i të Dërguarit të tij, që të fitojmë dy jetët, këtë botë dhe ahiretin.
Kërkoj nga ju motra të nderuara mos të më harroni në lutjet e juaja..


Hadithe Pejgamberike dhe thënie dijetarësh

Ebu Hurejra -Allahu qoftë i kënaqur me të- thotë se Muhamedi, lavdërimi dhe paqja e Allahut qofshin mbi të, ka thënë: “ Nëse gruaja fal pesë kohët e namazit, agjëron muajin e ramazanit, e mbron nderin e saj, respekton burrin, i thuhet asaj: Hy në Xhenet nga cilado derë që dëshiron.” Sahih el xhami 674.

Ibën Amër -Allahu qoftë i kënaqur me të- thotë se Muhamedi lavdërimi dhe paqja e Allahut qofshin mbi të ka thënë: “ Kjo botë është pasuri, e pasuria më e mirë e kësaj bote është gruaja e sinqertë.” Sahih el Xhami 3407

Fjalë ndriçuese:

Çështja e gruas është çështje e çdo babe dhe biri, derisa në këtë botë ka babë dhe bir, patjetër që ka edhe respektim të thellë ndaj pozitës së gruas, ndërsa ata që nuk bëjnë dallime mes dinjitetit dhe modestisë, pa dyshim se janë të fundosur në dyshime të pambaruara. ( Mustafa es Sibai)

E nderuara motër:
Ti je gjysma e Ummetit, derisa ti lind edhe gjysmën tjetër, pra ti je Ummeti i plotë. (Muhamed Ismail el Mukaddem).